Óhugnalegt að sjá meðferðina á þessum aumingjans dýrum

En þátturinn á TV2 gerði manni heldur betur bylt við og ekki minnst að staðreyndin í raun virðist vera allt önnur en hið opinbera eftirlit gefur til kynna. 

Hið opinbera heimsækir jú 5% af skinnaframleiðendum á ári svo það geta þess vegna liðið 20ár á milli boðaðra heimókna frá þeim.  Og hver tekur ekki til ef hann veit að eftilitið er að koma á ákveðnum degi til að fá grænt ljós!

Nei nú er bara að vona að flýtt verði refabanninu (en það eru 15ár eftir þar til það kemur) og minkabann verði líka sett á ekki bara hér heldur um allan heiminn. 

Einnig að eftilit með öllum sem hafa dýr til lífsramleiðslu fái óvæntar óboðaðar heimsóknir oftar og refsiákvæðin verði hert er óskandi að þáttur kvöldsins verði með til að koma á.

Umdeildur danskur þáttur um minkaeldi sýndur í kvöld

Athugasemdir

[(IP-tala skráð) 28.10.2009 kl. 11:10]

Það er allstaðar hægt að finna misjafnan sauð í mörgu fé, og það gildir um loðdýraræktina líka. En ég vil benda á þá staðreynd að þeir sem fara illa með þessi dýr eru að fá frekar lítið fyrir sinn snúð, þ.e skinnaverð hjá þeim er næstum örugglega mjög lágt, og því ættu að vera hæg heimatökin við eftirlitið þegar uppboð á skinnum hefur farið fram að þeir sem þar eru lægstir í verði ættu að fá heimsókn á sitt bú. Ill meðferð  og slæm umhirða kemur strax fram á feldinum, það er staðreynd.